Estu que voy a contal
no creais ques un cuentu,
aseguru qués verdá.
Una tardi de garulla
a tiu Pedru apeteció
jartalsi de comel brebas
sin idil a naidi ná.
Asina que lo pensó
comu no tenia jigeras
no le queó mas remediu
que subilsi a una qualquiera.
Mientra se empendolaba
y subia a la pingolla
arrancaba las mauras
y se comia las mas gordas...
Comu ya no poia más
y se quisu apalancal,
el culu se entrepilló
en la jorca de detrás.
Y aunque mucha juerza jidu,
no se la poia sacal,
ni a lo largu ni a lo anchu...
ni palanti ni patrá...
Asina y to entreteniu
solu atendia a comel
ya que vió que en lo del culu
pocu se poia jadel.
Se olvió del inquilinu
que siempri sueli tenel
a esa hora la jiguera
y solu atendia a tragal...
esta breba esta de un ricu...
esta otra...esta de güena...
En estu que barruntó
que le pica una jorrmiga
enpezó a refregalsi
removelsi y pataleal,
sin poel estalsi quietu
que paqué queremus más.
Y dierun en sacuilli
picotadus las rabuas
que si gordas ,flacas ,tordas...
colorás y repicuas.
el pescuedu,la pernera...
el sobacu y la pirula.
Todu toditu jué llenu
cual ejerditu furiosu
y le pusierun a caldu...
!!se pusu el dobli de gordu!
Menus mal que pasó un hombri
que se llamaba Mateu
y llamó a dos pulicias,
sacalli ...les costó un güeu.
No hay comentarios:
Publicar un comentario