A vedis no me gusta hablal
a vedis procuru callalmi,
asina paicci que el mal es menus,
que se achica y deborrifa
comu el jumu...
en el fogon mesmu.

Peru la jeria arrespela,
escuedi y se encona...
sin salia pol dentru,
ni escapi pol juera...

Endecá que vengu intentandu
no jadelli casu,
no pensal en ellu
peru vieni con juerza
rebosandu jiel...

Y se escondi logu...
en cualquiel jechura palabra o mirá...
ya sea bonchi o regaera.

Ya no semus los mesmus...
ya no es lo que era,
el coradón en dentru,
san forrau de tela...

Y amí pol no dalmi prisa
pol quealmi atrá
creu...que el dololcillu
que sientu, debi sel...
que man pillau el jarapal.